Каталониянинг “Барселона” клуби ҳимоячиси Жорди Альба “кўк-анорранглилар” ва Испания терма жамоаси собиқ устози Луис Энрике билан муносабатлари ҳақида гапирди. Эслатиб ўтамиз, мутахассис жаҳон чемпионатини ⅛ финал босқичида Марокашдан мағлуб бўлгач, "қизил фурия"ни тарк этганди.
“Менинг Луис Энрике билан муносабатларим яхши. У кучли характерга эга бўлган таъсирчан мураббий. У мендан кўра бошқа ўйинчиларни танлаган пайтлари ҳам бўлди, лекин бу мени яхшироқ бўлишга ундади ва бу ўз самарасини берди. Мен учун Луис - сайёрадаги энг яхши мураббий”, - деди Альба.
Жорий мавсумда Альба Испания чемпионатида 1 та гол ва 3 та голли узатмага эга.
