Мадриднинг “Реал” клуби бош мураббийи Карло Анчелотти марказий ҳимоячи Начо Фернандес билан шартнома борасидаги вазият ҳақида гапирди. Эслатиб ўтамиз, испаниялик футболчи мавсум якунида эркин агентга айланиши мумкин.
"Начо ҳар доим қандай шароитда бўлишидан қатъий назар яхши ўйнаган. Унинг шартнома ҳолати? У қолишни хоҳлайдими ёки йўқлигини ҳал қилиши керак”, - деди Анчелотти матбуот анжуманида.
Жорий мавсумда Начо Испания чемпионатининг 11 учрашувида 502 дақиқа майдонда ҳаракатланиб, иккита сариқ карточка олди.
