Ҳужумчи Мейсон Гринвуд "Манчестер Юнайтед"да бир йилдан ортиқ ўйнамади. Клуб 2022 йил бошида зўрлашга уриниш ва зўрлаш айбловлари туфайли футболчини ишдан четлатди. Яқинда Гринвудга қўйилган айбловлар олиб ташланди, бироқ 21 ёшли футболчи ҳалигача "қизил иблислар"га қайтгани йўқ. Энди клуб ўз текширувини ўтказмоқда.
Daily Star хабарига кўра, "Манчестер Юнайтед"нинг ички текшируви яқин орада якунланмайди. Мейсон Гринвуд 2022/2023 йилги мавсумда майдонга тушмайди.
Аввалроқ матбуотда "Манчестер Юнайтед" Мейсон Гринвуд билан хайрлашиши мумкинлиги ҳақида маълумот пайдо бўлган эди.
