«Барселона» собиқ ҳимоячиси Жерар Пике 2021 йилдан бери «ПСЖ»да ўйнаб келаётган «Реал»нинг собиқ футболчиси Серхио Рамос билан дўстлиги ҳақида гапирди.
Эслатиб ўтамиз, иккала футболчи ҳам анча вақт давомида Испания терма жамоасининг асосий марказий ҳимоячиси бўлиб келишган.
«Биз Рамос билан қалин дўст эдик, аммо Моуриньо «Реал»га келганида ҳаммаси ўзгарди. Ўшандан бери «эл-класико»даги учрашувларимиз жуда шиддатли ўтди», - деди Пике.
Эслатиб ўтамиз, Пике яқинда профессионал фаолиятини якунлади ва Испанияда «қироллар лигаси» деб номланган ҳаваскор футбол турнирини бошлади.
Мавсум бошида Жерар «Барселона»нинг энг кўп маош олувчи футболчиларидан бири эди.
