«Barselona» sobiq himoyachisi Jerar Pike 2021 yildan beri «PSJ»da o‘ynab kelayotgan «Real»ning sobiq futbolchisi Serxio Ramos bilan do‘stligi haqida gapirdi.
Eslatib o‘tamiz, ikkala futbolchi ham ancha vaqt davomida Ispaniya terma jamoasining asosiy markaziy himoyachisi bo‘lib kelishgan.
«Biz Ramos bilan qalin do‘st edik, ammo Mourinyo «Real»ga kelganida hammasi o‘zgardi. O‘shandan beri «el-klasiko»dagi uchrashuvlarimiz juda shiddatli o‘tdi», - dedi Pike.
Eslatib o‘tamiz, Pike yaqinda professional faoliyatini yakunladi va Ispaniyada «qirollar ligasi» deb nomlangan havaskor futbol turnirini boshladi.
Mavsum boshida Jerar «Barselona»ning eng ko‘p maosh oluvchi futbolchilaridan biri edi.
