Хави "Барселона" афсонаси, лекин агар у "Манчестер Юнайтед"га ўтганида ҳаммаси бошқача бўлиши мумкин эди.

Хави Каталония клубида 17 мавсум ўтказди, 8 марта Испания чемпиони бўлди, 4 марта Чемпионлар лигасида ғолиб чиқди (финалда "Манчестер Юнайтед"ни икки марта мағлуб этди), аммо испаниялик "Олд Траффорд" таклифини қабул қилганида бу содир бўлмаслиги мумкин эди. "Юнайтед"нинг афсонавий бош мураббийи Сер Алекс Фергюсон Хавини ёшлигидаги клубни тарк этишга кўндиришга уринганди.

Хави ESPN мухбирига 2011 йилда "Манчестер Юнайтед"нинг қизиқиши ҳақида гапирган. Бу ҳафта Европа Лигасида "Барселона" ва "Юнайтед" ўртасидаги учрашув олдидан бу маълумотни эслатиб ўтишга қарор қилдик.

"Бир пайтлар "Юнайтед"дан келган таклифни қабул қилиш ҳақида ўйлагандим", - дея тан олди Хави.

“Барселона”да ишларим яхши бўлмаганида, менга вазиятни ўзгартириш керак эди. Менга ҳар доим инглиз футболи ёққан ва "Манчестер Юнайтед" менинг клубим бўлиши мумкин эди".

"Фаолиятимнинг узоқ даврида, одамлар менга ярим ҳимояда Пеп Гвардиоланинг вориси сифатида қарашганида, ўзимни афсонавий сардорнинг ўрнини босган аутсайдер, ёмон одамдек ҳис қилардим".

"Биз "Барселона"даги ўзгаришларга дош беролмаймиз. Мен ва Пеп ҳақидаги барча баҳсларни ёмон кўрардим ва Луи ван Гал (ўша пайтдаги "Барселона" бош мураббийи) унчалик хушмуомала бўлмаган ва 18 ёшли болакайга ёрдам бермаган.

"Охир-оқибат, эшакдек қайсарлигим муҳим роль ўйнади: "Юнайтед"га ўтиш ҳақида ўйлай бошладим, лекин кейин ўзимга келиб, ўйладим - бу ерда ўзимни кўрсатишим керак."

Хави "кўк-анорранглилар" футболчиси сифатида фантастик карьера ўтказди ва 2021 йилдан бери ўзини ажойиб мураббий сифатида кўрсатиб келмоқда. Унинг ҳозирда бор эътибори “Юнайтед”га қарши бўлиб ўтадиган Европа лигаси плей-офф ўйинига қаратилган.