"Барселона"нинг собиқ марказий ҳимоячиси Жерар Пике футболдан танаффусга муҳтожлигини тан олди.
Жорий мавсумда футболчи кутилмаганда футболчилик фаолиятини якунлаб, "Барселона"ни тарк этди.
"Сўнгги бир неча ой мен учун оғир бўлди. Мен жаҳон чемпионатининг бирорта ўйинини кўрмадим – ҳаттоки финални ҳам фақат парча-парча қилиб кўрганман. Менга дам олиш керак эди.
Месси жаҳон чемпионатида ғалаба қозонишни орзу қилган ва у бунга ҳаммадан кўра муносиб эди. Мен у учун хурсанд бўлдим", - дейди Пике журналист Альфредо Педуллага берган интервьюсида.
Жаҳон чемпионати финалида Аргентина терма жамоаси Францияни пенальтилар сериясида мағлуб этди.
