«Милан» мураббийи Стефано Пиоли Чемпионлар лигаси 1/8 финали доирасида «Тоттенхэм»га қарши ўйин (1:0) натижаларини сарҳисоб қилди.
Италиянинг амалдаги чемпиони уй учрашувида ҳисобни еттинчи дақиқадаёқ очди, кейин эса устунликни сақлаб қолишга муваффақ булди.
«Биз кутганимиздек, бугун осон кечмади. Биз яхши ўйнадик, аммо жавоб ўйин қанчалик қийин бўлишини тушунамиз. Бугун ўйин режамизни бажара олдик, бундан жуда мамнунман.
Ўйлайманки, биз кўпроқ гол уришимиз мумкин эди, бироқ «Тоттенхэм» бизга қийинчилик туғдирди. Бугунги муваффақият фақат биринчи қадамдир. Англияда қийинроқ бўлади», - деди «россонерилар» бош мураббийи.
