«Манчестер Сити» бош мураббийи Хосеп Гвардиола «Арсенал»га қарши сафардаги ўйиндан умидлари ҳақида гапирди.

«Агар «Арсенал» бизни мағлуб этган бўлса, демак, ҳозир улар кучлироқ. Бу спорт. Ҳар доимгидек, шу муносабат билан уларни биринчи бўлиб табриклайман.

Менимча, ҳаммаси ўзимизга боғлиқ. Биз Англия чемпионатида охиригача ғалаба учун курашамиз. Мен футболчиларимдан шундай хоҳишни кўришни истайман - сўнгги кунгача курашиш ва чемпионликни ҳимоя қилишга ҳаракат қилиш.

Агар биз қўлимиздан келганича ҳаракат қилсак ва муваффақиятсизликка учрасак, мағлубиятга рози бўламиз. Лекин менинг футболчиларим мақсадга эришиш учун ҳар куни меҳнат қилишлари керак», - деди Гвардиола.

Бугун тунда Лондонда АПЛнинг 12-туридан ўрин олган қолдирилган баҳсда «Арсенал» «Манчестер Сити» билан куч синашади.