Мадриднинг "Реал" клуби ярим ҳимоячиси Тони Кроос фаолиятини “Сантяго Бернабеу”да якунлаш истагини билдирди.
Шу билан бирга, германиялик ярим ҳимоячи қачон бундай қарорга келишини аниқ билмайди. Эслатиб ўтамиз, мавсум якунида футболчининг "қироллик клуби" билан шартномаси тугайди.
"Фаолиятимни албатта "Реал"да якунлайман. Муаммо шундаки, мен бу қачон содир бўлишини билмайман. Мен ҳали ҳам бу ҳақда ўйлайман. Бунга кўп ойлар керак бўлмайди, лекин ҳозирча мен бир қарорга келганим йўқ», - деди Кроос.
Эслатиб ўтамиз, аввалроқ Кроос ушбу мавсум якунида профессионал фаолиятини якунлаши мумкинлиги ҳақида хабарлар тарқалган эди. Мадриднинг “Реал” клуби 33 ёшли ярим ҳимоячини жамоада олиб қолмоқчи.
