"Барселона" вингери Рафинья Диас жамоадоши Ансу Фати бироз тушкунликка тушганини, чунки у ўйин амалиётига эга эмаслигини айтди.

Эслатиб ўтамиз, аввалроқ 20 ёшли иқтидорни кўплаб топ клублар сотиб олмоқчи экани ҳақида хабарлар тарқалган эди.

“Фати бироз тушкунликка тушган, чунки у кўп ўйнамаяпти. Бироқ, у ажойиб фазилатларга эга. Биз ҳаммамиз унга ишончини қайтаришга ёрдам берамиз”, деди Рафинья “Манчестер Юнайтед”га қарши ўйин олдидан ўтказилган матбуот анжуманида.

Жорий мавсумда Фати Испания чемпионатида 772 дақиқа ўтказди. Унинг ҳисобида учта гол ва учта голли узатма бор.