"Барселона" дарвозабони Марк-Андре тер Штеген 2022 йилда дунёнинг энг яхши ёш футболчиси деб топилган ярим ҳимоячи Гавининг характери ҳақида гапирди.
"Гави бизга керак бўлган барча нарсани қилади. Унинг услуби биздаги бошқа ярим ҳимоячиларга ўхшамайди. Шунинг учун у жамоа учун жуда муҳим. Гави олдида икки метрлик ҳимоячи борми, парво қилмайди, у ҳар бир тўп учун курашади. Гави машғулотларда ҳам худди ўйин пайтидагидек тажовузкор", - дея Тер Штеген сўзларини келтирмоқда ESPN.
Жорий мавсумда Гави Испания чемпионатида битта гол ва иккита голли узатмани амалга оширди. Футболчи ҳозирда атиги 18 ёшда.
