Жоау Канселу "Манчестер Сити"дан "Бавария"га ўтиш ҳақида гапирди.
Мюнхенликлар португалиялик футболчини 70 миллион еврога сотиб олиш имконияти билан мавсум охиригача ижарага олди.
"Гвардиола билан жанжаллашди, деганлар ёлғон гапиришади. Сўнгги бир неча ўйинда ўзимни жамоада муҳим ўйинчидек ҳис қилмадим. Мураббий билан гаплашдим, у ҳам рози бўлди ва клуб билан биргаликда мен кетишга қарор қилдик, бу мен учун яхшироқ бўлади.
Менга янги имкониятлар ёқади, "Манчестер Сити"ни хафа қилмайман. Ўйлайманки, "Манчестер Сити"да мен эришмоқчи бўлган даражага қадам қўйдим, ўша ерда мен бугунги ўйинчига айландим.
Мен Пепдан ҳам, клубдан ҳам миннатдорман, чунки улар менга ҳамма нарсани берди. Қизим Манчестерда туғилган ва мен бу клубни ҳеч қачон унутмайман. Ким билади дейсиз, балки мавсум охирида қайтаман" - деди Канселу Movistar Plus билан суҳбатда.
