"Барселона" расмий сайтида Испания Қироллик футбол федерацияси ҳакамлар техник қўмитаси собиқ вице-президенти Хосе Мария Энрикес Негрейрага қилинган тўловлар билан боғлиқ вазиятга изоҳ берди.
"Барселона" ўтмишда Испаниянинг бошқа клубларидаги ёш ўйинчилар ҳақида видео ҳисоботлар тақдим этадиган ташқи техник маслаҳатчи хизматидан фойдаланган. Бундан ташқари, ушбу етказиб берувчи билан алоқалар техник ҳисоботлар билан кенгайтирилди, улар асосий ва захира жамоалари мураббийлар штаби учун зарур бўлган маълумотларни тўлдиришга мўлжалланган. Бу профессионал футбол клублари орасида кенг тарқалган амалиёт. Эндиликда ушбу турдаги аутсорсинг хизматини клубнинг футбол бўлимида ишлайдиган мутахассис кўрсатади.
"Барселона" бу маълумот жамоа мавсумнинг энг яхши формасига чиққанида оммага эълон қилинганидан афсусда. “Барселона” бундай маълумотларнинг ошкор этилиши сабаб бўлиши мумкин бўлган тахминлар билан клуб обрўсига путур етказмоқчи бўлганларга нисбатан қонуний чоралар кўради", — дейилади хабарда.
“Барселона” 21 турдан кейин 56 очко билан Лига турнир жадвалида пешқадамлик қилмоқда.
