"Арсенал" бош мураббийи Микель Артета трансфер бозорида клуб олдига мақсад қўйган. Испаниялик мутахассис "канонирлар"нинг ёзда ярим ҳимоячи Мартин Субименди билан шартнома имзолашини истамоқда. Бу ҳақда Испаниянинг Sport нашри хабар бермоқда.
Мартин Субименди ўзи тарбияланувчиси бўлган "Реал Сосьедад"да ўйнайди. 2022/2023 йилги мавсумнинг 26 та ўйинида ярим ҳимоячи битта гол ва ҳамкорларига учта самарали узатма берди.
Transfermarkt портали экспертлари 24 ёшли Мартин Субимендини 40 миллион еврога баҳоламоқда.
"Арсенал" ҳозирда Премьер-лигада пешқадамлик қилмоқда.
