"Арсенал" ярим ҳимоячиси Мартин Эдегор Англия чемпионатининг 12-тури қолдирилган ўйинда "Манчестер Сити"дан учралган мағлубият (1:3) ҳақида фикр билдирди.
“Биз ҳужумда етарлича кучли эмас эдик. "Сити" яхшироқ эди. Биз яхши ўйин кўрсатдик, аммо жарима майдончасида яхшироқ бўлишимиз керак. Бу футбол. Баъзида имкониятлар бўлади, баъзида эса йўқ. Лекин биз ўзимизни яхшилашимиз, эҳтиёткор бўлишимиз ва майдонда тўғри ҳимояланишимиз керак. Бу алоҳида ўйинчиларга эмас, балки бутун жамоага тегишли.
Бугун мағлуб бўлдик, энди навбатдаги ўйинни ютишга ҳаракат қиламиз. Шанба куни янги ўйин ва биз ғалаба қозонишимиз керак. Биз мухлисларга уларни хурсанд қиладиган нарсаларни бериш учун астойдил ҳаракат қиламиз", - дея Эдегор сўзларини келтирмоқда BBC.
