"Салернитана" расмий сайтида Пауло Соуза жамоага бош мураббий этиб тайинлангани ҳақида хабар берди. У 15 февраль куни ишдан бўшатилган Давиде Николанинг ўрнини эгаллади.
Италия клуби 52 ёшли португалиялик билан мавсум охиригача шартнома имзолади.
Соузанинг сўнгги иш жойи "Фламенго" бўлиб, у 2022 йилнинг июнида тарк этган. Бундан ташқари, у аввалроқ Польша терма жамоаси, “Бордо”, “Фиорентина”, “Базель”, “Лестер”, “Суонси” ва “ҚПР” клубларида ишлаган.
"Салернитана" А Серия турнир жадвалида 16-ўринда бормоқда. 22-турдан кейин жамоа 21 очкога эга.
