Дортмунднинг «Боруссия» клуби юлдузи Жуд Беллингем УЕФА Чемпионлар лигаси доирасида «Челси»га қарши кечган ўйин натижаси ҳақида фикр билдирди.
Унда «асаларилар» минимал ҳисобда ғалабага эришди – 1:0. Дортмундликлар ҳужумчиси Карим Адейеми учрашувдаги ягона голни иккинчи бўлимда киритди.
«Биринчи бўлимда устунлик қилдик, уларда ҳам имкониятлар бўлди, аммо биринчи бўлимнинг катта қисмида биз вазиятни назорат қилдик.
Иккинчи бўлимда босим ўтказишни тўхтатдик, рақиб тўпни яхшироқ назорат қилди. Шундай бўлсада, биз яхши ҳимоялана олишимизни кўрсатдик», - дея Беллингемнинг сўзларини келтиради BT Sport.
