Португалиянинг “Бенфика” клуби ярим ҳимоячиси Жоау Марио Чемпионлар лигаси 1/8 финали доирасидаги “Брюгге” билан сафар учрашувидан сўнг фикр билдирди.
“Меҳмонда яхши натижага эришишимиз муҳим эди. "Бенфика" иккита гол уриб, муваффақиятли ўйин ўтказди. Бироқ, олдинда ҳали кўп нарсалар бор.
Пенальтидан омадим келди, лекин бу ўйиннинг бир қисми. Бу тўп бизни дарвозага яқинлаштирди ва яна бир гол сари руҳлантирди. Бу қийин ўйин бўлди, ўйлайманки, биз табриклашга муносибмиз", - дея ярим ҳимоячининг сўзларини келтиради УEФА матбуот хизмати.
"Бенфика" меҳмонда 2:0 ҳисобида ғалаба қозонди. Жавоб ўйини 7 март куни Лиссабонда бўлиб ўтади.
