"Манчестер Юнайтед" клуби дарвозабон Давид де Хеа ўрнига футболчи қидирмоқда.
The Sun хабарига кўра, клуб "Севилья" сафида Испания чемпионатида тўп сураётган марокашлик дарвозабон Ясин Бунуга қизиқиш билдирмоқда.
Футболчи “Севилья”да 2020 йилнинг сентябридан буён ўйнаб келмоқда. Унинг клуб билан шартномаси 2025 йилнинг ўрталарига қадар мўлжалланган. Футболчининг трансфер нархи 15 миллион еврони ташкил қилади.
Испания чемпионатининг жорий мавсумида 31 ёшли дарвозабон 19 та ўйинда, 26 та гол ўтказиб юборган.













