Хабар бериб ўтганимиздек, Туркия йиғинлари якунида бугун Виталий Левченко шогирдлари иккита ўртоқлик учрашувида майдонга чиқишади. Улардан биринчи ўйин Россиянинг "Крилья Советов" клубига қарши кечди.
Бош мураббий мазкур баҳсга асосан захирада қолиб кетаётган ва ўйин амалиётига эга бўлмаган футболчиларга имкон яратиб берди ва улар тақдим этилган ишончни тўлалигича оқлашга эришдилар десак, муболаға бўлмайди. Биринчи бўлимнинг ўзида Мурод Бобожонов, Умар Адҳамзода ва ёш ҳужумчи Дониёр Валиевлар томонидан киритилган ажойиб голлар жамоамиз устунлигини таъминлаб берди 3:0.
Иккинчи бўлимда ҳам фаол ўйин намойиш этган ўзбекистонликлар ҳимояда бир қатор хатога йўл қўйганликлари натижасида, жарима тўпи белгиланди ва рақиблар стандарт вазиятдан иккита тўп киритишга муваффақ бўлишди. Лекин учрашувнинг қолган қисмида «Нефтчи» бехато ўйнаб, Россия Премьер-лигаси вакилларини 3:2 ҳисобида мағлубиятга учратди.
Назорат ўйини
"Нефтчи" - "Крилья Советов" (Россия) 3:2
Голлар: М.Бобожонов, 7 (1:0), У.Адҳамзода, 32 (2:0), Д.Валиев, 44 (3:0)- Солдатенков, 63 (3:1), Хубулов, 77 (3:2).
"Нефтчи": Акбар Тўраев, Раҳмонжон Рўзиев, Нодирхон Неъматхонов, Муҳсин Убайдуллаев, Умар Адхамзода, Ғуломҳайдар Ғуломов, Абдуллоҳ Олимов, Суннатилла Абдуллажонов, Иззатилла Абдуллаев, Дониёр Валиев, Мурод Бобожонов.
Захирадагилар: Шуҳратилло Раҳмонов, Улуғбек Ҳошимов, Зоир Жўрабоев, Фаҳриддин Муҳаммадов, Фозил Мусаев.
Бош мураббий: В.Левченко
Эслатиб ўтамиз, бугун соат 19:00 да иккинчи ўртоқлик учрашуви бўлиб ўтади. Рақиб — Қозоғистон Премьер лигаси вакили "Жетису" жамоаси.
"Нефтчи" ПФК матбуот хизмати.
