Xabar berib o‘tganimizdek, Turkiya yig‘inlari yakunida bugun Vitaliy Levchenko shogirdlari ikkita o‘rtoqlik uchrashuvida maydonga chiqishadi. Ulardan birinchi o‘yin Rossiyaning "Krilya Sovetov" klubiga qarshi kechdi.
Bosh murabbiy mazkur bahsga asosan zaxirada qolib ketayotgan va o‘yin amaliyotiga ega bo‘lmagan futbolchilarga imkon yaratib berdi va ular taqdim etilgan ishonchni to‘laligicha oqlashga erishdilar desak, mubolag‘a bo‘lmaydi. Birinchi bo‘limning o‘zida Murod Bobojonov, Umar Adhamzoda va yosh hujumchi Doniyor Valiyevlar tomonidan kiritilgan ajoyib gollar jamoamiz ustunligini ta’minlab berdi 3:0.
Ikkinchi bo‘limda ham faol o‘yin namoyish etgan o‘zbekistonliklar himoyada bir qator xatoga yo‘l qo‘yganliklari natijasida, jarima to‘pi belgilandi va raqiblar standart vaziyatdan ikkita to‘p kiritishga muvaffaq bo‘lishdi. Lekin uchrashuvning qolgan qismida «Neftchi» bexato o‘ynab, Rossiya Premyer-ligasi vakillarini 3:2 hisobida mag‘lubiyatga uchratdi.
Nazorat o‘yini
"Neftchi" - "Krilya Sovetov" (Rossiya) 3:2
Gollar: M.Bobojonov, 7 (1:0), U.Adhamzoda, 32 (2:0), D.Valiyev, 44 (3:0)- Soldatenkov, 63 (3:1), Xubulov, 77 (3:2).
"Neftchi": Akbar To‘rayev, Rahmonjon Ro‘ziyev, Nodirxon Ne’matxonov, Muhsin Ubaydullayev, Umar Adxamzoda, G‘ulomhaydar G‘ulomov, Abdulloh Olimov, Sunnatilla Abdullajonov, Izzatilla Abdullayev, Doniyor Valiyev, Murod Bobojonov.
Zaxiradagilar: Shuhratillo Rahmonov, Ulug‘bek Hoshimov, Zoir Jo‘raboyev, Fahriddin Muhammadov, Fozil Musayev.
Bosh murabbiy: V.Levchenko
Eslatib o‘tamiz, bugun soat 19:00 da ikkinchi o‘rtoqlik uchrashuvi bo‘lib o‘tadi. Raqib — Qozog‘iston Premyer ligasi vakili "Jetisu" jamoasi.
"Neftchi" PFK matbuot xizmati.
