"Барселона" ярим ҳимоячиси Рафинья Диас Бразилия терма жамоасидаги шериги Каземиронинг ўйинига юқори баҳо берди. Эслатиб ўтамиз, ярим ҳимоячи яқиндан буён "Манчестер Юнайтед" сафида тўп сурмоқда, манкунианликлар билан "Барселона" бугун Европа лигаси 1/16 финалининг биринчи ўйинида майдонга тушади.

“Мен ҳар доим оиламга Каземирони жамоамда бўлишини исташимни айтганман. Бу жамоага ишончлиликни қўшадиган ажойиб ўйинчи ", деди Рафинья матбуот анжуманида.

Эслатиб ўтамиз, Каземиро бунгача "Реал" сафида тўп сурган ва у билан 5 марта Чемпионлар лигасида ғолиб чиққан. Рафинья 2022 йилнинг ёзида "Барселона"га ўтган эди.