"Ливерпуль" ҳужумчиси Дарвин Нуньес мерсисайдликлар либосида Коди Гакпонинг илк ўйинларини баҳолади. Эслатиб ўтамиз, "қизиллар" футболчи учун ПСВ Эйндховенга 42 миллион евро тўлаган ва пойгада "Манчестер Юнайтед"ни ортда қолдирганди.
“Гакпо жуда зўр ва сифатли ўйинчи. Бундан ташқари, у жуда кучли. Менимча, у "Ливерпуль"да одамларни хурсанд қила олади. У бу ерга биз энг яхши формада бўлмаган бир пайтда келганини ҳам тушунишингиз керак", - дея Нуньесдан иқтибос келтиради "Ливерпуль" расмий сайти.
Гакпо яқинда "Ливерпуль" дербисида "Эвертон"га қарши ўйинда илк голини урди. Англия Премьер-лигасида Коди ҳисобида 4та ўйин бор.
