“Манчестер Юнайтед”нинг чап қанот ҳимоячиси Люк Шоу жамоасининг Европа лигасида ғолиб чиқиш нияти борлигини маълум қилди.
Турнирнинг 1/8 финалида “қизил иблислар” каталониялик “Барселона” клубига қарши баҳс олиб боради. Биринчи ўйин бугун "Камп Ноу"да бўлиб ўтади.
“Биз бу совринни қўлга киритишни истаймиз. Аввалига “Барселона”га қарши чиройли стадионда ўйнашимиз керак. Биз ўйинга тўлиқ тайёрмиз", — деди Шоу “Манчестер Юнайтед” расмий сайтига берган интервьюсида.
Эслатиб ўтамиз, “қизил иблислар” бунгача Европа Лигасида ғалаба қозонишган. Бу 2017 йилда Жозе Моуриньо бошчилигида содир бўлганди. 2021 йилда жамоа ушбу турнирнинг финалида ўйнади ва у ерда "Вильярреал"га пенальтилар сериясида мағлуб бўлди.
