"Барселона" ярим ҳимоячиси Гави 23 февраль куни "Манчестер Юнайтед"га қарши ўйинда иштирок этмайди.
Ярим ҳимоячи Европа лигаси доирасида “Манчестер Юнайтед”га қарши ўйиннинг 73-дақиқасида сариқ карточка олди. У ярим ҳимояда “Манчестер Юнайтед” ярим ҳимоячиси Фреднинг футболкасидан тортиб, қарши ҳужумни тўхтатгани учун огоҳлантириш ишлаб олди. Футболчи огоҳлантиришлар кўпайиб кетганлиги туфайли жавоб ўйинини ўтказиб юборади.
Олдинроқ Педри жароҳат олганди - у ўйиннинг 1-бўлимида алмаштирилганди.
Гави жорий мавсумда Ла Лигада 21 та ўйинда майдонга тушиб, 2 та голли узатмани амалга оширди.
