"Манчестер Юнайтед" бош мураббийи Эрик тен Хагнинг фикрича, унинг жамоаси Каталонияни ғалаба билан тарк этишга ҳақли эди.
Европа лигасининг 1/16 финали доирасида бўлиб ўтган “Камп Ноу”даги учрашув 2:2 ҳисобида якунланди. Тўртта гол ҳам иккинчи бўлимда киритилди.
“Биринчи гол жуда муҳим эди ва афсуски, уни биз ура олмадик. Ажойиб ўйин бўлди, лекин танаффусгача бир марта ҳам гол ура олмаганимиздан хафа бўлдим, гол уриш учун имкониятлар кўп бўлганди.
Бугунги ўйин Чемпионлар лигаси даражасида бўлди. Биз тез-тез голга яқин келдик. Охирида ғалаба қозонишимиз керак эди. Энди ҳаммаси "Олд Траффорд"да ҳал бўлади, биз ўз кучимизни кўрсатамиз деган умиддаман", - деди Тен Хаг ўйиндан кейинги интервьюсида.
