"Manchester Yunayted" bosh murabbiyi Erik ten Xagning fikricha, uning jamoasi Kataloniyani g‘alaba bilan tark etishga haqli edi.
Yevropa ligasining 1/16 finali doirasida bo‘lib o‘tgan “Kamp Nou”dagi uchrashuv 2:2 hisobida yakunlandi. To‘rtta gol ham ikkinchi bo‘limda kiritildi.
“Birinchi gol juda muhim edi va afsuski, uni biz ura olmadik. Ajoyib o‘yin bo‘ldi, lekin tanaffusgacha bir marta ham gol ura olmaganimizdan xafa bo‘ldim, gol urish uchun imkoniyatlar ko‘p bo‘lgandi.
Bugungi o‘yin Chempionlar ligasi darajasida bo‘ldi. Biz tez-tez golga yaqin keldik. Oxirida g‘alaba qozonishimiz kerak edi. Endi hammasi "Old Trafford"da hal bo‘ladi, biz o‘z kuchimizni ko‘rsatamiz degan umiddaman", - dedi Ten Xag o‘yindan keyingi intervyusida.
