Кеча Каталониянинг “Барселона” ҳамда “Манчестер Юнайтед” клублари ўртасида Европа Лигаси 1/16 финалининг илк учрашуви бўлиб ўтди. Учрашув 2:2 ҳисобида дуранг билан якунланди.
Қайд этиш жоизки, ушбу учрашув турнир тарихидаги энг кўп томошабин бўлган учрашув бўлди. “Камп Ноу” стадионига 90 255 нафар мухлис ташриф буюрди, дея хабар беради УЕФА матбуот хизмати. Аввалги рекорд 2017 йилда “Тоттенхэм” ва Бельгиянинг “Гент” жамоалари ўртасидаги ўйинда қайд этилган эди. "Уэмбли"да бўлиб ўтган учрашувга 80 465 киши ташриф буюрганди.
"Қизил иблислар" ва "кўк-анорранглилар" ўртасидаги жавоб учрашуви Манчестердаги "Олд Траффорд" стадионида 23 феврль куни бўлиб ўтади.
