Англиянинг "Ливерпуль" клуби бош мураббийи Брендан Рожерс, жамоа ҳужумчиси Энди Кэрролл ёзги трансфер мавсум якунлангунича, жамоани тарк этиши мумкинлигига яна бир бор шаъма қилди.
"Нарҳи 35 миллион евро бўлган ҳужумчини захирада ушлаб туришга "Ливерпуль"нинг қурби етмайди. Унинг ҳозирда айнан захира ўйинчиси эканлигига ҳеч ким шубҳа қилмайди. Унинг ўзи ҳам бунга қарши эмас ва ўз ролини яхши бажариб келмоқда.
"Айни пайтда уни қўйиб юборишга ошиқаётганимиз йўқ. Аммо, уни жамоада ушлаб туришдан ҳам маъни кўрмаяпман. Захира футболчисига йилига 5-6 миллионлик маош тўлаш учун, ҳақиқатдан ҳам "Ливерпуль"нинг қурби етмайди", дея Рожерснинг сўзларидан иқтибос келтирмоқда, мерсисайдликлар расмий сайти.
Таъкидаб ўтиш жоиз, айни пайтда ҳужумчини ижарага олиш учун унинг собиқ жамоаси, "Ньюкасл" таклиф билдирган. Шунингдек, Керроллни ўз сафида кўриш учун, Лондоннинг "Арсенал" клуби ҳам таклиф билдирган.
