"Барселона" ярим ҳимоячиси Педри жароҳати ҳақида ёзди.
20 ёшли ярим ҳимоячи Европа лигаси 1/16 финали доирасидаги "Манчестер Юнайтед"га қарши ўйиннинг (2:2) 41-дақиқасида майдонни тарк этишга мажбур бўлди. Кейинроқ маълум бўлишича, сон қисмидаги жароҳат туфайли испаниялик футболчи бир ойга яқин майдонга туша олмайди.
“Бу қийин эди, лекин сизнинг ёрдамингиз туфайли менга осонроқ бўлди. Ҳозир мен бор эътиборимни имкон қадар тезроқ сафга қайтишга ва янада кучлироқ бўлишга қаратганман.
“Барселона”ни мухлис сифатида ташқаридан қўллаб-қувватлайман ва менсиз ҳам жамоа бўлажак ўйинларда ажойиб натижаларга эришишига ишонаман”, — деб ёзди Педри.
