"Реал Мадрид" бош мураббийи Карло Анчелотти жамоаси ҳали "Ливерпуль"га қарши Чемпионлар лигасининг ⅛ финали биринчи ўйини ҳақида ўйламаётганини айтди. "Қаймоқранглилар" бор эътиборларини Испания чемпионати доирасида бўлиб ўтадиган "Осасуна" билан навбатдаги учрашувга қаратишган.
"Ливерпуль"? Айни дамда бу ўйин ҳақида ўйламаяпмиз. Биз бор эътиборимизни Лигада “Осасуна”га қарши навбатдаги ўйинга қаратганмиз ва биз уч очко олишни истаймиз”, деди Анчелотти матбуот анжуманида.
Эслатиб ўтамиз, "Реал"нинг пешқадам "Барселона"дан ортда қолгани 8 очко. "Қироллик клуби"нинг "Ливерпуль"га қарши биринчи ўйини 21 февраль куни "Энфилд"да, жавоб учрашуви эса 15 март куни "Сантьяго Бернабеу"да бўлиб ўтади.
