Мадриднинг “Реал” клуби бош мураббийи Карло Анчелотти ФИФАнинг йилнинг энг яхши мураббийи номига номзодлар учлигига кириши ҳақида фикр билдирди. Италиялик мутахассис билан бирга Хосеп Гвардиола ("Манчестер Сити") ва Лионель Скалони (Аргентина терма жамоаси) рўйхатга киритилган.
"Анчелотти, Гвардиола ёки Скалони? Менимча, бу мураббийларнинг ҳар бири бу мукофотга лойиқ. Ким ғалаба қозонса, бошқалардан табриклар олиши керак", - деди Карло матбуот анжуманида.
Эслатиб ўтамиз, ўтган мавсумда Анчелотти "Реал Мадрид"га Испания чемпионати ва Чемпионлар лигасида, Хосеп Гвардиола "Манчестер Сити" билан Англия Премьер-лигасида, Лионель Скалони Аргентина терма жамоаси билан жаҳон чемпионатида ғолиб чиққанди.
