Англиянинг "Вест Хэм" клуби "Ливерпуль" ҳамда Англия терма жамоаси ҳужумчиси Энди Керроллни мавсум якунига қадар ижарага олганини расман тасдиқлади.
23 ёшли ҳужумчи "Ливерпуль" сафида заҳира ўриндиғига ўтириб қолган ва ўз агенти орқали янги жамоа қидираётгани ҳақида хабарлар тарқалганди.
Ўз навбатида, ливерпулликлар устози Брендан Рожерс, Керроллни ушлаб турмаслигини ва таклиф тушса жамоа уни қўйиб юборишини таъкидлаганди.
Футболчи учун бир нечта премьер лига жамоалари даъвогарлик қилганига қарамай, у "Вест Хэм" сафида тўп суришни маъқул кўрди.
Айни пайтда футболчининг шартнома шартлари борасида расмий маълумотлар йўқ.
