«Ливерпуль» бу ёзда Мэйсон Маунтни қўлга киритиши мумкинлиги ҳақида аввалроқ хабар берган эдик. Энди уларга «Барселона» рақиб бўлиши мумкин.
Англиялик ярим ҳимоячи олти ёшидан бери «Челси»да ўйнаган, бироқ ҳали Ғарбий Лондон клуби билан янги шартнома бўйича келишиб олгани йўқ, бу унинг «Стэмфорд Бридж»даги фаолияти якунланиши мумкинлиги ҳақидаги тахминларни кучайтирди.
Calciomercato хабарига кўра, «Барселона» 24 ёшли футболчини қўлга киритиш учун курашга қўшилишга тайёр. Маунтнинг амалдаги шартномаси 2024 йилгача тугамайди, аммо футболчи маоши борасида раҳбарият билан келиша олмаяпти.
«Барселона» айни дамда Ла Лига пешқадами бўлиб турибди, жамоа Хави бош мураббийлигида қайта тикланмоқда ва Маунт янги жамоага мос келиши тахмин қилиняпти.
