TeamTalk хабарига кўра, "Лидс" "Брюгге" ярим ҳимоячиси Тейджон Бьюкенанни сотиб олиш имкониятини кўриб чиқмоқда.
Манбага кўра, инглиз клуби 24 ёшли канадалик учун асосий даъвогар ҳисобланади. Трансфер ёзда амалга ошиши мумкин.
Бьюкенан "Брюгге" сафида 2022 йилнинг январидан бери тўп суради. 2022/23 йилги мавсумда у жамоа сафида барча мусобақаларда 22 та ўйинда майдонга тушиб, 1 та гол урди ва 4 та голли узатмани амалга оширди.
Transfermarkt.com портали ярим ҳимоячининг нархини 12 миллион еврога баҳоламоқда.