"ПСЖ" ҳимоячилари Маркиньос ва Ашраф Ҳакимий Франция чемпионатининг навбатдаги турида "Лилль"га қарши ўйинда жамоасига ёрдам беришмайди. Парижликлар эртага Тошкент вақти билан соат 17:00да "Парк де Пренс" стадионида "итлар"ни қабул қилади.
Журналист Адриен Греньернинг ёзишича, футболчилар “Лилль”га қарши ўйинда тикланишга улгурмаган. Маркиньос ва Ҳакимий Чемпионлар лигасининг ⅛ финалининг "Бавария"га қарши биринчи ўйинида енгил жароҳат олишганди.
Айни дамда “ПСЖ” Лига 1 турнир жадвалида энг яқин таъқибчиси "Марсель"ни 5 очко ортда қолдириб, пешқадам бўлиб турибди. "Лилль" 5-ўринда.