«Бавария» ҳужумчиси Томас Мюллер Германия Бундеслигасининг 21-туридан ўрин олган Мёнхенгладбахнинг «Боруссия»сига қарши ўйинда жамоасининг асосий таркибида майдонга тушди. Футболчи Германия чемпионатидаги 429-учрашувини ўтказди.

Томас Бундеслигада «Бавария» учун ўйинлар сони бўйича дарвозабон Оливер Кан билан тенглашди.

Бу кўрсаткич бўйича дарвозабон Зепп Майер етакчилик қилмоқда (473 та ўйин). 

33 ёшли Мюллер Мюнхен академиясининг битирувчиси ҳисобланади. У 2007 йилдан бери «Бавария»нинг асосий жамоасида ўйнаб келмоқда.

Умуман олганда, бу вақт ичида у клуб сафида 733 та ўйинда майдонга тушиб, 272 та гол урди ва 256 та голли узатма муаллифига айланди.

Transfermarkt портали футболчининг нархини 18 миллион еврога баҳоламоқда.