«Bavariya» hujumchisi Tomas Myuller Germaniya Bundesligasining 21-turidan o‘rin olgan Myonxengladbaxning «Borussiya»siga qarshi o‘yinda jamoasining asosiy tarkibida maydonga tushdi. Futbolchi Germaniya chempionatidagi 429-uchrashuvini o‘tkazdi.
Tomas Bundesligada «Bavariya» uchun o‘yinlar soni bo‘yicha darvozabon Oliver Kan bilan tenglashdi.
Bu ko‘rsatkich bo‘yicha darvozabon Zepp Mayer yetakchilik qilmoqda (473 ta o‘yin).
33 yoshli Myuller Myunxen akademiyasining bitiruvchisi hisoblanadi. U 2007 yildan beri «Bavariya»ning asosiy jamoasida o‘ynab kelmoqda.
Umuman olganda, bu vaqt ichida u klub safida 733 ta o‘yinda maydonga tushib, 272 ta gol urdi va 256 ta golli uzatma muallifiga aylandi.
Transfermarkt portali futbolchining narxini 18 million yevroga baholamoqda.
