Михаил Мудрик «Челси» сафида 5 та ўйинда гол ура олмади.

Қолаверса, Украина терма жамоасининг 22 ёшли ярим ҳимоячиси ушбу 5 ўйинда бирор марта ҳам дарвозага аниқ зарба бермаган.

Бугун Мудрик «Саутгэмптон»га (0:1) қарши ўйиннинг 64-дақиқасида захирадан майдонга тушди. Бунгача кетма-кет учта учрашувни у асосий таркибда бошлаганди.

Ажратилган вақт ичида Михаил бир марта зарбага уриниб кўрди, 7 та узатма берди (3 та аниқ) ва тўпни рақибларидан олиб қўя олмади.

Эслатиб ўтамиз, «Челси» футболчи учун 70+30 миллион евро тўлаган.