«Манчестер Сити» ҳимоячиси Кайл Уокер АПЛ доирасида «Ноттингем Форест»га қарши ўйин (1:1) ҳақида гапирди.
«Жадвалда юқори ўриндаги жамоалар билан рақобатлашмоқчи бўлсак, ғалаба қозонишимиз шарт! Биз бир нечта вазиятларни қўлдан бой бердик ва жамоа сифатида яхшироқ ўйнашимиз керак эди, афсус.
Футбол гоҳида шундай, гоҳида ҳаммаси ҳиссиётлар билан кечади. Ҳар бир ўйинга худди финал каби муносабатда бўлиш керак. Мен фақат бир нарсани айтишим мумкин - бундай ўйинларни қабул қилиб бўлмайди.
Биз «Ноттингем»га ҳурмат кўрсатишимиз керак - аммо улар шунчаки омон қолишди. Биз бундан ҳам яхшироқ ўйнашимиз керак эди», - деди Уокер.
