«Манчестер Сити» ҳимоячиси Кайл Уокер «Ноттингем Форест»га қарши ўйин (1:1) ҳақида фикр билдирди.
«Биз икки очко йўқотдик. Дарвоза олдидаги барча вазиятлардан унумли фойдаланишимиз керак эди. Лекин мен бунинг учун ҳеч кимни айбламайман.
Ҳужумчиларга омад насиб қилмаса ҳам қийин. Охирги бир неча йил ичида шундай юқори талаблар қўйдикки, гўёки ҳар бир учрашувда тўрт-бешта гол уришимиз шарт эди. Бироқ ҳимояга ётиб олган клубларга қарши ҳар доим ҳам бир хил ўйнаш қийин.
Чоршанба куни «Арсенал»га қарши қилган машаққатли меҳнатимиз беҳуда кетмади, аммо бу бизга оғир зарба бўлди.
Бу ерга келиб, икки очко йўқотиш ёқимли эмас, лекин умид қиламанки, бизнинг фойдамизга бир нечта бурилишлар бўлади ва биз Премьер-лигада ғалаба қозона оламиз», - деди Уокер.
