Қишки трансфер ойнаси ёпилганига ҳам қарийб бир ой бўлди, аммо эҳтимолий трансферлар ҳақида гаплар давом этмоқда. Бу кўплаб ўйинчиларнинг шартномалари тугаши билан боғлиқ, яъни улар потенциал эркин агентлардир. Маълумки, Карим Бензема “Реал”да қолади, Милан Шкриняр “ПСЖ”га, Конрад Лаймер эса “Бавария”га ўтади. Аммо ҳамма ҳам бундай аниқ вазиятга эга эмас. Келинг, потенциал эркин агент бўлган саккизта юлдуз футболчи ҳақида гаплашамиз.
Лионель Месси (“ПСЖ”)
Агар Месси шартномасини узайтирмасликка қарор қилса, у ҳолда, албатта, у энг машҳур эркин агентга айланади. АҚШ ва Саудия Арабистони клублари аллақачон аргентиналик футболчига турли йўналишлардан яқинлашмоқда, бироқ у 35 ёшга тўлганига қарамай, жуда кўп экзотик вариантларни кўриб чиқишга ҳали эрта. “ПСЖ” футболчи билан шартномани узайтириш истагини очиқ эълон қилди. Аммо, миш-мишларга кўра, томонлар ўртасидаги музокаралар чўзилиб кетмоқда ва умуман олганда, яхши кетаётгани йўқ. Охир-оқибат нима бўлишини, эҳтимол, баҳорнинг ўрталарига яқинроқ кўриш мумкин.
Н'Голо Канте (“Челси”)
Агар жароҳат бўлмаганида, ҳеч ким Кантенинг келажаги ҳақида савол туғдирмаган бўларди. Узоқ вақт давомида француз "Челси"нинг асосий ўйинчиларидан бири бўлиб келган. Лондонликлар футболчини сотиш бўйича таклифларни бир неча бор рад этишган. Бироқ сўнгги йилларда 31 ёшли ярим ҳимоячи кўп жароҳат олиб бормоқда. Жорий мавсумда унинг ҳисобида Премер-лигада бор йўғи 2 та ўйин бор, шу боис томонлар ўртасидаги шартнома узайтирилгани ҳақида ҳеч қандай янгилик бўлмаса ажаб эмас. Ёзда Канте эркин агентга айланиши эҳтимоли юқори. "Атлетико" ва "Барселона" футболчи учун курашга қўшилишга тайёр.
Роберто Фирмино (“Ливерпуль”)
"Ливерпул"нинг триоси парчаланиш арафасида. Аввалига Садио Мане "қизиллар"ни тарк этди, энди Фирминонинг келажаги катта шубҳа остида. Агентнинг таъкидлашича, томонлар шартномани узайтириш бўйича музокаралар олиб боришмоқда, аммо қандайдир тарзда ҳаммаси шубҳали даражада узоқ давом этди. Мерсисайдликларнинг қўрқувини тушуниш мумкин, чунки бразилиялик футболчи аллақачон 31 ёшда ва унинг ўрнига ёшроқ ҳужумчи билан шартнома имзолаш мантиқан тўғри. Шу билан бирга, А Сериядан Фирминога катта қизиқиш бор, у ерда у албатта кўп нарсани идботлаши мумкин. Ҳозирча футболчининг мақсади - фаолиятини "Ливерпул"да давом эттириш, аммо унинг ҳозирги жамоасидаги келажаги қоронғилигича қолмоқда.
Илкай Гюндоган (“Манчестер Сити”)
“Манчестер Сити” Гюндоган билан ҳали шартномани узайтирмагани жуда ажабланарли. Немис футболчиси жорий мавсумдан кўра самаралироқ мавсумларни ўтказди, аммо у ҳали ҳам "шаҳарликлар" учун муҳим футболчи бўлиб қолмоқда. Шунга қарамай, томонларнинг янги шартнома имзолашга яқинлашиши ҳақида ҳеч қандай янгилик йўқ. Футболчининг ўзи ҳам яқинда унинг келажаги ҳозирча ноаниқ эканлигини тасдиқлади. Кўпгина ОАВ хабарларига кўра, 32 ёшли ярим ҳимоячига "Барселона" қизиқиш билдирмоқда. Шубҳасиз, ёзга келиб, “Манчестер Сити” жамоа сардорини қўйиб юборишга қарор қилса, номзодлар кўпаяди.
Марко Асенсио (“Реал Мадрид”)
Асенсио билан боғлиқ вазият ўтган мавсумдан бери ноаниқлигича қолмоқда. Сўнгги маълумотларга кўра, "Реал Мадрид" ҳақиқатан ҳам футболчи билан янги шартнома имзолашга тайёр, аммо томонлар молиявий муаммоларни ҳал қила олмайди. Айни пайтда, 27 ёшли вингерга “ПСЖ”, “Арсенал”, “Ньюкасл” ва ҳаттоки “Барселона” каби клублар қизиқиш билдирмоқда.
Давид де Хеа (“Манчестер Юнайтед”)
Ажабланарлиси шундаки, Де Хеа "Манчестер Юнайтед"ни неча марта қутқариб қолган ва сақлаб қолишда давом этаётганини ҳисобга олсак, унинг келажаги ҳали ҳал бўлмаган. Яқинда 32 ёшли дарвозабон клуб билан шартномасини узайтириш истаги борлигини маълум қилди ва бунда у ҳатто фаолиятини тугатишга қарши ҳам эмас. Манкунианларни нима кутаётгани номаълум. "Манчестер Юнайтед" Дин Хендерсонга ишонишга қарор қилган деб тахмин қилиш мумкин, аммо унинг неча марта ижарага берилганини ҳисобга олсак, бу даргумон.
Анхель Ди Мария (“Ювентус”)
Ди Мария бир неча бор "Росарио Cентрал"га қайтишни истаётганини ва у ерда нафақага чиқиши мумкинлигини айтганди. Шу билан бирга, аргентиналик футболчи айнан қачон ўз ватан клубига қайтишни режалаштираётгани маълум эмас. 35 ёшли вингер яна бир неча йил Европада қолиши мумкин, аммо унинг “Ювентус”даги келажаги масаласи очиқлигича қолмоқда. Кўп нарса "бянконери"нинг мавсум охирида қандай поғонада бўлишига боғлиқ бўлади. Очколарнинг олиб қўйилиши ҳам клубга, ҳам футболчиларга жиддий зарба берди.
Лука Модрич (“Реал Мадрид”)
Фахрийлар билан шартномани 1 йилга узайтириш "Реал"да оддий амалиёт. Бироқ, "қаймоқранглилар" 37 ёшли ярим ҳимоячини ўз сафида сақлаб қолишни исташаётгани эшитмадик. Гарчи футболчининг ўзи "қироллик клуби"да қолишдан умидвор бўлса-да ва Саудия Арабистонидан келган фойдали таклифни аллақачон рад этган. Ёши билан хорватияликнинг оптимал шаклга эга бўлиши тобора қийинлашиб бормоқда, шунинг учун испанларнинг сустлиги тушунарли. Қолаверса, Модричнинг “Реал”даги келажаги кўплаб омилларга боғлиқ бўлади, масалан, клуб ёш ярим ҳимоячини сотиб оладими ёки йўқми.
