Ҳуқуқлари “Манчестер Юнайтед”га тегишли бўлган аргентиналик 18 ёшли ҳужумчи Алехандро Гарначо Германияга йўл олиши мумкин, дея хабар бермоқда Goal.com портали.
Мюнхеннинг "Бавария" клуби истиқболли футболчига қизиқиш билдирмоқда. Бундеслига чемпиони ёзги трансфер ойнасида жанубий америкалик футболчини қўлга киритишга ҳаракат қилади.
Алехандронинг "қизил иблислар" билан шартномаси 2024 йилнинг ўрталарига қадар тузилган. Tansfermarkt портали аргентиналик футболчининг нархини беш миллион еврога баҳоламоқда.
Гарначо жорий мавсумда Премьер-лигада 12 та ўйинда майдонга тушиб, 2 та гол ва 2 та голли узатмани амалга оширди.
