"ПСЖ" ҳужумчиси Лионель Месси Франция клубидан бошқа ҳеч ким билан музокара олиб бормаяпти. Бу ҳақда журналист Фабрицио Романо хабар бермоқда.
"Месси ҳозир фақат "ПСЖ" билан музокаралар олиб бормоқда, клуб раҳбарияти Мессининг отаси Хорхе билан учрашишди ва у ҳам ҳозирда "Барселона"дан ҳеч қандай таклиф йўқлигини тасдиқлади", - деди Романо.
Бундан ташқари, журналистнинг айтишича, яқин ҳафталарда томонлар яна бир қатор учрашувларни ўтказишади ва уларда 35 ёшли футболчининг янги келишуви тафсилотлари муҳокама қилинади. Эслатиб ўтамиз, Мессининг "ПСЖ" билан амалдаги шартномаси шу йилнинг ёзига қадар тузилган.
Аргентиналик футболчи 2021 йилдан бери "ПСЖ" клуби шарафини ҳимоя қилиб келмоқда. Месси жорий мавсумда "ПСЖ" сафида 26 та ўйинда майдонга тушиб, 15 та гол урди ва 14 та голли узатмани амалга оширди.
