"Манчестер Юнайтед" бош мураббийи Эрик тен Хаг яна бир бор ҳужумчи Воут Вегхорст келтирадиган фойдани таъкидлади.
Нидерландиялик футболчи "Лестер"га қарши ўйинда (3:0) асосий таркибда майдонга тушди, аммо фойдали ҳаракат амалга ошира олмади.
“У тўп учун курашда ғалаба қозонади, прессинг қилади, ҳужумларни ривожлантиришда мақсадли одам ролини ўйнайди. Учинчи голимизга назар ташласак, у ўз ҳаракати билан олиб келган қийматни яққол кўриш мумкин: Вегхорст Бруну ва Рэшфордга гол уриш учун жой очди", - дея форвард ўйини ҳақидаги саволга жавоб берди тен Хаг.
