Германия Бундеслигасида тўп сураётган 3 нафар франциялик футболчи ватанига қайтиши мумкин.

Lequipe нашрининг ёзишича, "ПСЖ" "Боруссия" (М) ҳужумчиси Маркус Тюрам ва Ману Коне ҳамда Франкфуртнинг "Айнтрахт" клубига тегишли бўлган Рандал Коло-Муанини ўз сафига қўшиб олмоқчи.

Рандалнинг трансфери энг қиммат деб ҳисобланади. У билан шартнома имзолаш учун парижликлар 80-100 миллион евро тўлашлари керак. Коненинг келишуви 25-35 миллионга баҳоланмоқда. Тюрам эса "ПСЖ"га текинга ўтиши мумкин, чунки унинг "Боруссия" билан шартномаси шу ёзда тугайди.

Ўтган дам олиш кунлари Париж гранди учта мағлубият сериясини тўхтатди. Кристоф Галтье шогирдлари “Лилл”ни мағлуб этишди (4:3).