Анхел ди Мария жорий мавсум якунида эркин агент мақомига эга бўлиши мумкин, чунки аргентиналик футболчининг "Ювентус" билан шартномаси ёзда тугайди.
Аввалроқ матбуотда ди Мария "Барселона" нишонида эканлиги ҳақида маълумот пайдо бўлган эди.
Tuttomercatoweb нашри маълумотларига кўра, Анхел "Камп Ноу"га кўчиб ўтишни хоҳламоқда, чунки у Аргентинага қайтишдан олдин яна бир ёки икки мавсум Европанинг энг юқори савиясидаги жамоаларидан бирининг таркибида ўйнаши мумкин.
Анхел ди Мария яқинда 35 ёшга тўлди. Агар у ҳақиқатан ҳам "Камп Ноу"да ўйнашни бошласа, у икки асосий испан гранди - "Реал" ва "Барселона"да ўйнаган футболчилар рўйхатига қўшилади.
