Жайдон Санчо мавсумнинг бир қисмини ёмон спорт формаси туфайли ўтказиб юбориб, яқинда "Манчестер Юнайтед"га қайтди. Англия Премьер-лигасининг сўнгги учта ўйинида Санчо "Лидс" ва "Лестер" дарвозасига иккита гол уришга муваффақ бўлди. Футболчи ҳақида "қизил иблислар" бош мураббийи Эрик тен Хаг фикр билдирди.
“Санчо тўғри йўналишда ҳаракат қилмоқда. Лекин у ҳали ўзининг энг юқори чўққисига чиққани йўқ. У аллақачон юқори даражада ва уни яхшилаш учун ҳали кўп имкониятлар мавжуд. Ишончим комилки, агар у футболдан завқланишда давом этса, у янада самаралироқ бўлади" - деди Тен Хаг Sky Sports нашрига.
