"Ливерпуль" ҳужумчиси Коди Гакпо Чемпионлар лигасидаги ўйинларидан умидлари билан ўртоқлашди. Эслатиб ўтамиз, эртага нидерландиялик форвард жамоаси ⅛ финалнинг биринчи ўйинини "Энфилд"да "Реал"га қарши ўтказади.
“Бу Чемпионлар лигасининг плей-офф босқичи. Биз яхши жамоа эканлигимизни исботлаб, уйда ҳам, меҳмонда ҳам ғалаба қозонишни истаймиз. Мен учун бу Чемпионлар лигасидаги иккинчи ўйин бўлади. Мен ушбу турнирда яхши савияни кўрсата олишимни исботламоқчиман”, - деди Гакпо матбуот анжуманида.
Гакпо бу мавсумда Чемпионлар лигаси гуруҳ босқичида иштирок этмади, чунки унинг собиқ жамоаси ПСВ саралаш босқичида "Глазго Рейнжерс"га имкониятни бой бериб қўйди.
